Acts 23

UPawuli ephambi komphakathi

1UPawuli wasewujolozela ^a umphakathi ^b wathi: Madoda bazalwane, mina ngihambile ^c phambi kukaNkulunkulu ngesazela sonke esihle ^d, kuze kube lamuhla. 2Kodwa uAnaniya umpristi omkhulu ^e walaya labo ababemi phansi kwakhe ukuthi bamtshaye umlomo ^f. 3UPawuli wasesithi kuye: UNkulunkulu uzakutshaya, mduli oconjwe waba mhlophe ^g; ngoba wena uhlalele ukungahlulela ngomlayo, kanti ngokuphambene lomlayo ulaya ukuthi ngitshaywe ^h? 4Lababemi lapho bathi: Uyamthuka umpristi omkhulu kaNkulunkulu yini ⁱ? 5UPawuli wasesithi: Bengingazi, bazalwane, ukuthi ungumpristi omkhulu ^j; ngoba kulotshiwe ukuthi: Ungakhulumi kubi ngombusi wesizwe sakini ^k. 6Kwathi uPawuli esekwazi ukuthi enye ingxenye yabo ingabaSadusi ^l, lenye ingabaFarisi, wamemeza emphakathini ^m wathi: Madoda bazalwane, mina ngingumFarisi, indodana yomFarisi ⁿ; ngethemba langokuvuka kwabafileyo mina ngiyahlulelwa ^o. 7Kwathi esetshilo lokhu, kwavela ukuphikisana kwabaFarisi labaSadusi ^p, lexuku ladabuka phakathi; 8ngoba abaSadusi ^q bathi kakukho ukuvuka kwabafileyo, loba ingilosi, loba umoya; kodwa abaFarisi bayakuvuma kokubili ^r. 9Kwasekuvela ukumemeza okukhulu; kwathi ababhali behlelo labaFarisi basukuma baphika kakhulu besithi: Kasitholi bubi kulumuntu ^s; kodwa nxa umoya kumbe ingilosi kukhulume laye ^t, kasingalwi simelene loNkulunkulu ^u. 10Kwathi sekuvele ukuphikisana okukhulu, induna enkulu yesaba ukuthi uPawuli uzadatshulwa yibo, yalaya amabutho ^v ukuthi ahle amhluthule phakathi kwabo ^w, njalo abuyele laye enkambeni yamabutho ^x. 11Njalo ngobusuku obulandelayo iNkosi yema phansi kwakhe ^y yathi: Mana isibindi Pawuli; ngoba njengalokhu ufakaze ^z izinto ngami eJerusalema ^aa, kunjalo-ke umele ufakaze leRoma ^ab.

Iqhinga lamaJuda lokubulala uPawuli

12Kwathi sekusile, abanye bamaJuda benza iqhinga, bazibopha ngesiqalekiso, besithi kabayikudla lokunatha baze bambulale uPawuli ^ac. 13Njalo babengaphezu kwamatshumi amane abenza lesisifungo ndawonye; 14abaya kubapristi abakhulu labadala bathi: Sizibophe ngesiqalekiso esikhulu ^ad, sokuthi kasiyikudla lutho size simbulale uPawuli. 15Ngakho khathesi lina kanye lomphakathi ^ae yazisani induna enkulu, ukuze imthume kini kusasa ^af, ngokungathi lizazwisisa okunengi ngendaba zakhe; thina-ke, engakasondeli, sesilungele ukumbulala ^ag. 16Kodwa indodana kadadewabo kaPawuli yezwa ngokumcathamela, yeza yangena enkambeni yamabutho ^ah, yamtshela uPawuli. 17UPawuli wasebizela kuye enye yezinduna zekhulu wathi: Sana lelijaha enduneni enkulu; ngoba lilento elizayitshela yona. 18Yasilithatha-ke yalisa enduneni enkulu, yasisithi: UPawuli isibotshwa ungibizele kuye wacela ukuthi ngilethe lelijaha kuwe, lilento elizakutshela yona. 19Induna enkulu yasilithatha ngesandla, yasibuyela eceleni bebodwa, yabuza: Kuyini ozongitshela khona? 20Laselisithi: AmaJuda avumelene ukucela kuwe ^ai, ukuze wehlisele uPawuli emphakathini kusasa ^aj, kungathi azahlolisisa ^ak ngcono ulutho ngaye ^al. 21Ngakho wena ungavunyiswa yiwo; ngoba amadoda adlula amatshumi amane kuwo amcathamele ^am, azibophe ngesiqalekiso ^an ngokuthi angadli anganathi aze ambulale; lakhathesi alungile elindele isithembiso sakho. 22Ngakho induna enkulu yasiliyekela ijaha lahamba, ililaya isithi: Ungatsheli muntu ukuthi ungibikele lezizinto ^ao.

UPawuli usiwa eKesariya

23Yasibizela kuyo induna zekhulu ezithile ezimbili, yathi: Lungisani abebutho abangamakhulu amabili ukuze bahambe baze bayefika eKesariya ^ap, labagadi bamabhiza abangamatshumi ayisikhombisa, labemikhonto abangamakhulu amabili, kusukela ngehola lesithathu lobusuku; 24lungisani lezinyamazana, ukuze ligadise uPawuli limfikise ephephile kumbusi ^aq uFelike; 25wabhala incwadi imumethe lokhu: 26Klawudiyosi Lisiya kumhlekazi ^ar umbusi uFelike ^as ngiyabingelela ^at. 27Lindoda ibibanjwe ngamaJuda, njalo ibisizabulawa yiwo ^au, ngafika lamabutho ngayophula ^av, sengizwile ukuthi ungumRoma ^aw. 28Ngathi ngifuna ukuthi ngazi isizatho ayimangalela ngaso ^ax, ngayehlisela ^ay emphakathini wawo ^az; 29engathi ngithola ukuthi imangalelwe ^ba ngemibuzo yomlayo wawo ^bb, kodwa ingamangalelwanga ngalutho olufanele ukufa ^bc loba izibopho. 30Kwathi sekuvelile kimi ^bd ukuthi kwasekuzakuba khona iqhinga ngalindoda ngamaJuda, ngahle ngayithuma kuwe ^be, ngibalayile futhi abamangaleli ukuthi bakhulume izinto ababemelene layo ngazo phambi kwakho ^bf. Sala kuhle ^bg. 31Abebutho-ke, njengokulaywa kwabo, bamthatha uPawuli, bamusa eAntipatri ngobusuku. 32Njalo kusisa, batshiya abagadi bamabhiza ukuthi bahambe laye ^bh, babuyela enkambeni yamabutho ^bi; 33okwathi sebefikile eKesariya ^bj, bamnika umbusi incwadi ^bk, bammisa loPawuli phambi kwakhe. 34Kwathi umbusi eseyifundile incwadi ^bl, wasebuza ukuthi ungowawuphi umkhono ^bm; esezwile ukuthi ungoweKilikhiya ^bn, 35wathi: Ngizakuzwa, sebefikile labamangaleli bakho ^bo. Waselaya ukuthi alondolozwe endlini kaHerodi ^bp yokwahlulela ^bq.